Фәүзия Бәйрәмова

  • 28 июнь 2020 - 11:00
    Һиҗрәт. Соңгы сәфәр
    Аубаткан авылыннан яшь кенә хатын, баласын күкрәгенә кысып, үкереп елый иде... Ә баласы, дүрт-биш яшьләрдәге малай, камыр кебек анасының кулына салынып төшкән, йөзендә җан әсәре юк, хәтта сулыш алганы да сизелми... Алар янына Зәйнәп абыстай белән Таһирә апа шуышып диярлек килделәр, хатынның кулыннан авыру баланы алдылар, ә ул инде суынып беткән иде... – Үлгән, балакай...
    1526
    0
    5
  • 26 июнь 2020 - 11:00
    Һиҗрәт. Одессада кораб көтү
    Юлга чыгар алдыннан, Хөснибикә авырып киткән иде... Хаҗиханәнең үз хастаханәсе бар иде, аннан табиб килеп, Хөснибикәне карады һәм кичекмәстән больницага салырга кирәклеген әйтте. Ул чагында Салихның да, Хөснибикәнең дә һиҗрәте өзеләчәк иде...
    1032
    0
    2
  • 25 июнь 2020 - 11:00
    Һиҗрәт. Һиҗрәт шәһите. Киттеләр
    Һиҗрәт эшелоны Урал таулары аша үткәндә, Хөснибикәләр вагонында баручы олы яшьтәге Кумыслы хатынының авырып киткәне билгеле булды. Аның авырганлыгын Таһирә апа ачыклады, чөнки ул һәр көн иртә-кич хатын-кыз вагоннарын йөреп чыга, берәрсе аз гына авырый башласа да, аны карый, үләннәре белән дәвалый, аякка бастыра иде. Ә менә Кумыслы хатыны Мәрфуга белән әллә нәрсә булды, дарулар да ярдәм итмәде, күзгә күренеп сүнде, хәле начарайганнан-начарая барды...
    790
    0
    1
  • 24 июнь 2020 - 11:00
    Һиҗрәт. Һиҗрәт эшелоны
    Хөснибикәнең газиз атасы, тун чабуларына уралып, юлда егылып калды. Атасын тыны белән тартып алырлык булып, Хөснибикә вагон тәрәзәсенә капланды, сәер авазлар чыгарып, сулкылдады-аһылдады, әмма аны беркем дә аңламады, һәркемнең үз кайгысы иде. Башкалар ичмасам кая барганнарын, ни өчен барганнарын беләләр, ә ул, ишетмәгәч, сөйләшә алмагач, берни аңламый, кайгыдан кычкырып елый да алмый, өнсез калып, бер почмакта утыра...
    1006
    0
    0
  • 23 июнь 2020 - 09:00
    Һиҗрәт. "Бәхил булыгыз, туганнар!". Һиҗрәт кәрваны
    Барысын да сискәндереп, йөрәкләрне ярып, кышкы көнне урталай телеп, бер сәер аваз яңгырады. Ул кеше елавын да, бүре улавын да хәтерләтә иде, бу тавыштан тәннәр чымырдый, каннар өши, тыннар буыла иде... Бу дәһшәтле һәм шул ук вакытта гаять кызганыч, әрнүле тавыштан атлар барган җирләреннән шып итеп туктап калды, Тара йөкчеләре эшне аңлап алып, ау мылтыкларына ябыштылар – аларны арттан бүре куа килә иде...
    928
    0
    1
  • 22 июнь 2020 - 09:00
    Һиҗрәт. Татарларны төрмәдән коткару. Олы сәфәр алдыннан
    Сукса тимер өзәрлек, басса бакыр сытарлык әзмәвер ирләр, аю-бүреләрне коры кул белән тотып, сыртларына салган татар ирләре, алда торган мәңгелек аерылуны бөтен йөрәкләре белән тоеп, сүзсез генә елыйлар иде... И, бәхетсез милләт, үз дәүләтең булса, син шулай каңгырып дөнья буйлап йөрер идеңме, чукындырудан качып, кара урманнарга, сазлык араларына таралыр идеңме?
    527
    0
    1
  • 21 июнь 2020 - 09:00
    Һиҗрәт. Туганнар белән соңгы табын
    Хөснибикә кечкенәдән әтисенең иң яраткан кызы булып үсте, бәлки, моңа баланың телсез-чукрак булуы, шуның белән башкалардан аерылып торуы сәбәпче булгандыр. Әнисе дә аны үлгәнче кулларыннан төшермәде, авырлы чакта да Хөснибикәсен җаныннан артык күреп яратты, бар күңел җылысын, бар мәхәббәтен аңа бирде...
    1274
    0
    4
  • 19 июнь 2020 - 11:00
    Һиҗрәт. Аккош каргышы. Габдрәшит хаҗи янында
    Өзелеп сөйгән яры, гомер иткән хатыны бала тапканда кинәт кенә үлеп киткәч, аның да кояшы сүнде, тормышының яме бетте... Бу фаҗига моннан ун еллар элек булды, ул чагында әле балалар да кечерәк иде, алар – анасыз, Мөхәммәтҗан үзе пар канатсыз калды... Ир башы белән үксеп-үксеп елады ул...
    1796
    0
    1
  • 18 июнь 2020 - 11:00
    Һиҗрәт. "Чират безгә дә килеп җитте..."
    Китәләр... Бөтен нәсел-ыру, бөтен туган-тумача, бөтен авыл белән күз күрмәгән, колак ишетмәгән госманлы иленә китәргә җыеналар... Анда аларны кем көтеп торсын?! Кемгә кирәк булыр алар – Себер мөһаҗирләре, урман-дала татарлары? Кем кара көзгә, салкын кышка каршы шушындый озын юлга чыга?! Яшь балалар, авырлы хатыннар, үләргә торган картлар белән?! Себер бит бу, аларның яртысы юлда үлеп бетәчәк!
    626
    0
    0
  • 17 июнь 2020 - 11:00
    Һиҗрәт. "Йә – китәбез, йә – үләбез!"
    Мөхәммәтҗан картның бөтен туганнары һиҗрәткә әзерләнә ... иң борчыганы – тумыштан телсез-чукрак кызы Хөснибикәнең дә, иренә ияреп, күз күрмәгән җирләргә чыгып китәргә җыенуы. Җитмәсә, авырлы да. Яшьтән анадан ятим калган, әле үзе дә балалыктан чыгып җитмәгән бу бичаракай ул чит-ят җирләрдә газап чикмәсме, ким-хур булып йөрмәсме – ата кешенең йөрәген менә шул уйлар да телгәли...
    1023
    0
    5
  • 8 июнь 2020 - 12:00
    Гөләйза. Татарлар – Чистай төрмәсендә
    – Кичер мине, Мәрьям, шайтан котыртты... телемнән тартты... хәзер генә аңладым нинди яман эш эшләгәнемне! Китмәгез, зинһар, мине ташлап, китә күрмәгез! Улым, син бит минем бердәнберем, нәсел дәвамчым! Син дә китсәң, миннән баш тартсаң, бу дөньяда яшәвемнән ни мәгънә?!
    1035
    0
    0
  • 5 июнь 2020 - 13:00
    Гөләйза. Ишмөхәммәтне Чистай төрмәсенә алып китәләр
    – Мине алырга киләләр! Гөләйза шулай дип кычкырып җибәрде дә, ярдәм эзләп, иренә, әти-әнисенә карады. Алар да бу хәлдән шашынып калганнар иде, юлны дәвам итәргә дә, кире өйгә керергә дә белмичә, капка төбендә катып калдылар. Инде качарга да соң иде...
    982
    0
    2
  • 4 июнь 2020 - 11:00
    Гөләйза. "Үлсәк тә, урыс диненә кайтмыйбыз!"
    – Курыкма, бу пычак белән сине үтермим мин, урыс карты! Синең белән пычранмыйм, гөнаһ кылмыйм! Әгәр балаларымны алырга килсәгез, шушы пычак белән үземне дә, балаларымны да суям, аларны урыс кулына биреп, кяфер ясаганчы, үзем юк итәм! Безнең башка чара калмады...
    674
    0
    1
  • 3 июнь 2020 - 09:00
    Гөләйза. Биләр побының татарларга үче
    Аны яндырып үтерделәр. Шәһәр уртасындагы мәйданда, баганага бәйләп куеп яндырдылар. Тирә-юньдәге бөтен татар-башкорт авылларыннан кешеләрне шунда куып китерделәр, алар әлеге хәлләрне үз күзләре белән күреп торырга һәм гыйбрәт алырга тиешләр иде. Бу аларны куркыту өчен дә эшләнде, христиан динен ташлаган өчен, аларны да тереләй янып үлү көтә иде...
    560
    0
    0
  • 1 июнь 2020 - 16:00
    Гөләйза. "Мөселманлык җебен өзмәгез!"
    1840 елларда Коръән бастыру елына ике йөз меңгә җиткән була! Татар байлары бу изге китапны халыкка ураза бәйрәмендә бушка тарата! Һәм кулына шушы изге китап килеп кергән татар инде беркайчан да керәшенлеккә әйләнеп кайтмый, ул үлгәндә дә кулына Коръән тотып үлә!
    513
    0
    0
Реклама