Уены–чыны бергә

02.07.2018 6 (июнь), 2018

Ню!


Язучы һәм журналист Әхәт Гаффарга бер үзешчән шагыйрь шылтырата.
– Әхәт әфәнде, хәлләрегез ничек?
– Ню! – дип кыска гына сәлам биргән язучы.
– Шигырьләремне чыгаргансыз икән, рәхмәт! – дип сүзен дәвам иткән шагыйрь.
– Ню?!
– Тагын бер сәхифәлек шигырьләрем бар, аларын да алып килсәм, ничек булыр?
– Ню…
Шагыйрь, инде ни әйтергә дә белмичә, бер мәлгә аптырап тынып кала.
– Бер-бер алып куйган нәстәң юктыр ич?! – дип, ниһаять, телгә килә Әхәт. Сүз хәмер турында бара, билгеле. Үзе әйтмешли, бер «чүлли».
– Бар…
– Суң! Күптән шулай дип әйтәләр аны, шигырьләрең эченә төреп алып килергә онытма, яме!
– Ню…


Фото: Салават Камалетдинов; tatar-inform.ru