Укучыларыбыз иҗаты

22.09.2017 №7 (июль), 2017

Тукай кабере алдында


tukai gabdulla

Казанга кайтам да
Барам мин кабергә.
Догамны багышлыйм
Тез чүгеп кабердә.

Сүзләрең күңелдә,
Ятлана бары да.
Сагынып искә алам
Каберең алдында.

Сагынам һәр таңда,
Чын тарих алдымда.
Баш ия һәр татар
Каберең алдында.

Сакландың һәр җирдә
Күңелнең түрендә.
Өзелмәс җыр булып
Җырландың күңелдә.

Яшисең мәңгегә,
Татар бар һәр җирдә.
«Туган тел» шигырең
Әйләнде гимнга.

Халкымның газизе,
Мин синнән нур алам.
Тукайлы халык, дип,
Һәр җирдә мактанам.

 

Гыйззәтулла ХӘСӘН,
Кытай республикасы Шенҗаң-Уйгыр автоном районы,Элә өлкәсе


Комментарий өстәргә

Ваш e-mail не будет опубликован. Обязательные поля помечены *