Әдәби берләшмәләрдә

27.02.2017 №9(сентябрь),2016

Кызыкмадым кеше малына


кызыкмадым

Тормыш юлын намус белән үттем,
Эшләдем мин йөрәк кушканны.
Җенем сөйми көнчел кешеләрне,
Әләкчене һәм дә куштанны.

Гадел булып яшәү тормышымда
Яшьтән сеңгән минем каныма.
Куштанланып мин дан яуламадым,
Кызыкмадым кеше малына.

Гөнаһларны, Аллам, ярлыка дип,
Сорамам мин үләр алдыннан.
Күпме булса даным, малым – бар да
Хәләл көчем белән табылган.

Илдус ГОБӘЙДУЛЛИН


Комментарий өстәргә

Ваш e-mail не будет опубликован. Обязательные поля помечены *