ШИГЫРЬЛӘР

Нишләттең син, замана...
Әнкәемә эндәшергә илим, Онытканмын... туган елемне.
Сөйләп кенә аңлатырлыкмы соң —
Төшемме бу, әллә өнемме?
Кайнашалар урыс, инглиз сүзе, Фәләнчәсе анда бутала.
Чит телдәге фикерләрем ләкин Туган телдә барыбер юл яра!
«Әнкәй, рәхмәт!» — дип тә
әйталмагач,
Ачы язмыш, инде шуны бел: Хыянәттер, иң зур җинаятьтер — Онытылса әгәр туган тел!

Кайчан безнең тарих алга басар Ак тапларсыз, ертык битләрсез?..
Тере мәет кебек кеше җирдә Хакыйкатьсез — рухи икмәксез.
*
Чебен җыйган чүп әрҗәсе сыман
Ларек тарта алкаш ир-атны.
Ә зур тормыш бара — урап узып Аракыга баскан чиратны...
Тетрәтмәде аны күз яшьләре — Инсафлык та кимеп калды шул... Каен кәүсәсенең ак тәненә Кызганмыйча балта чапты ул.
Сыкрап торган ачык җәрәхәткә Уйламый да сузды иренен. Кәүсә аша эчте... һәм сизмәде Кан тибешен туган җиренең.

Реклама