ГЕРОЙЛАР АРМИЯСЕ
23 февральдә совет халкы уз иле тарихындагы гүзәл датаны — Эшче-крестьян Кызыл Армиясе һәм Хәрби-Диңгез Флотының XXII еллыгы көнен билгеләп үтте.
Гражданнар сугышы барган авыр елларда, пролетариат революциясенең дошманнары өерләре советлар властен юк итәргә азапланган елларда төзелгән данлы Кызыл Армия тарихи җиңүләр байрагын намус белән күтәреп барды һәм барлык дошманнарны тар-мар китереп, илебезнең тыныч хезмәтен, аның бөек социалистик держава булып үсүен тәэмин итте.
Безнең армиябез — ул геройлар армиясе. Ул үзенең яшәвенең 22 елы эчендә дистәләрчә героик батырлыклар күрсәтте, гражданнар сугышы елларында ак гвардеецларның һәм интервентларның гаят яхшы коралланган армиясен тар-мар итте.
Сталинчыл бишьеллыклар эчендә Кызыл Армия иң яхшы техника белән коралланды. Ул грамоталы, политик яктан яхшы хәзерлекле, физик яктан чыныккан сугышчылар, командирлар һәм политработникларның гүзәл кадрлары белән тулыландырылды. Безнең армиябез — дөньяда иң көчле армия.
Кызыл Армиянең көче — аның халык белән органик бәйләнгән булуында. Безнең совет халкы Кызыл Армияне һәм Флотны ярата, аларның ныгуына һәр көнне булыша. Бездә фронт белән тыл — бер бөтен ул.
« Безнең Кызыл Армиябезнең бе. ренче һәм төп үзенчәлеге шуннан гыйбарәт ки, ул азат ителгән эшчеләр һәм крестьяннәр армиясе, ул Октябрь революциясе армиясе, пролетариат диктатурасы армиясе...
Бездә армияне яраталар, аны ихтирам итәләр, аның турында кайгырталар..
Ә халыкның үз армиясенә мәхәббәте нәрсә дигән сүз? Ул, мондый армиянең нык тылы булачак, мондый армия җиңелмәслек булып тора, дигән сүз. Нык тылы булмаган армия нинди армия ул? Бер ни дә түгел. Нык тылы булмаганда, тыл тарафыннан, хезмәт ияләре тарафыннан булышлык һәм теләктәшлек булмаганда, иң зур армияләр, иң яхшы коралланган армияләр дә җимерелгәннәр.Безнең армиябез дөньяда, эшчеләр һәм крес- тьяннәр тарафыннан теләктәшлек һәм булышлык белән файдалана торган бердән-бер армия. Аның көче шунда, ныклыгы шунда»
(И. Сталин).
Без Хасан куле буендагы героик көннәрне, Халхин-Гол ярлары буендагы сугышларны, Көнбатыш Украина белән Көнбатыш Белоруссиядә халыклары азатлык җиңүчән походны тирән бер горурлык белән искә алабыз. Хәзер Кызыл Армия часть-ләре Финләндиянең сугыш чукмарларына каршы батырларча көрәшеп империалистларның тагын бер сугыш планын җимерделәр.
Кызыл Армия частьләре һәм Хәрби-Дингез Флоты караблары кайда гына эш итмәсеннәр, табигать шартлары нинди генә булмасыннар һәм дошманнар нинди генә мәкерле булмасыннар, Кызыл Армиянең һәм флотның данлыклы сугышчылары, командирлары һәм политработниклары Советлар иле һәм большевиклар партиясе алдындагы үзләренең изге бурычларын һәр вакытта да намус белән үтәп килделәр, үтиләр үтәячәкләр. Кызыл Армия һәм Хәрби Диңгез Флоты — алар халыкның туган балалары. Аларның һәрбер сугышчысы үзенең гражданлык һәм интернационал бурычын, коммунизмның мәңгелек эше өчен көрәшче бурычын яхшы аңлый.
Яшәсен безнең данлыклы Эшче крестьян Кызыл Армиясе һәм Хәрби-Диңгез Флоты!
Яшәсен илебезнең кораллы көчләренең җитәкчесе — Советлар Союзының беренче маршалы иптәш Ворошилов!
Яшәсен безнең илебездә социализмның җиңүләрен оештыручы — Бөтенсоюз Коммунистлар (большевиклар) Партиясе!
Яшәсен бөтен дөнья хезмәт ияләренең сөекле юлбашчысы бөек Сталин!