Өмет уты
Кичкә таба эштән кайтып киләм,
Тирә-якны сарган караңгы.
Шугалакта ялгыз фонарь яна.
Әле дә ярый шул ут бар әле.
Мәктәп уты биш ел элек сүнде,
Клуб уты сүнде бу елны.
Өстәгеләр бераз уйлый микән
Шул утларсыз яшәү кыенны?
Шугалакта ялгыз фонарь яна,
Тирә-якны сарган караңгы.
Тик күнелдә өмет уты сүнми –
Әле дә ярый шул ут бар әле!
Гомәр ГЫЙНИЯТОВ
Суыксу.
"КУ" 01, 2022
Фото: pixabay
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84