Үрнәк сыйфатлар

Сабыр булыйк, чыдам булыйк, дөрес һәм тугры булыйк!

Хаталардан, ялгыш юлдан, зинадан ерак торыйк!

Яхшы кешедән үрнәк алыйк, начарыннан гыйбрәт!

Тирләтер мәхшәр көнендә ялган әйтү һәм гaйбәт!

Әти-әни, өлкәннәргә итагатъ, хөрмәт итик!

Яшь буын тәрбиясенә берүк игътибар итик!

Әхлак, гыйлем, игелеккә өндәү – безнең эшебез,

Дин вә телнe саклыйк, бердәм булыр безнең көчебез!

Ерак торыйк кяфер, мөшрик, мөнафыйкъ ишеләрдән,

Ырымнарга ышанучы, мәкерле кешеләрдән!

«Харут-Марут»ның кыйссасын дөрес өйрәник, белик,

Сихер, күрәзә, багуның гөнаһ икәнен белик!

Хәрәм ризык, кеше хакы – бигрәк нечкә мәсьәлә.

Киң күңеллелек белән тик чишелә бу мәсьәлә.

Изгелек, юмартлык – рәсүлемнeң үрнәк сыйфаты.

Тәкәббер, саран булуның җәзасы, ай-һай, каты.

Хакыйкатькә тугры булыйк, гыйбадәткә омтылыйк,

Җыен юк-бар сафсатадан, дусларым, ерак торыйк!

Фәнис Зыялы

"КУ" 04, 2024

Фото: unsplash