Томанда

Күзләрең куркусыз ялтырый.

Күзләрдә кара юк – гел томан.

Чакырам – килмисең: син кыргый, –

Томанда йөрергә чакырам.

Тынлыкка тиң түгел ялвару.

Бөтен җан калтырый тавыштан.

Тавышың! Иң ерткыч җанвар ул.

Эч каным! – башкага багышлан!

Керфекләр артына җанны түк,

Уеңда адашыйм: аһ, кызык!

Берсүзсез дәшкәнне ишетү

Һәм җавап кайтармау – кансызлык.

Дәшмичә җилләтеп сер исен,

Караңгы карашың үзгәргән.

Адаштым. Бәлки син килерсең

Томаның җыярга күзләрдән...

фото: pixabay