Без – Кадаклар

Без – Кадаклар,
Безне сугып утырталар урыннарга.
Без – Кадаклар,
Ләкин күптән чүкеч дошман кулларында.
Без – Бүкәннәр.
Балта безне ярып сала урталайга.
Яра! Яра!
Кемнәр Энә булып безгә ямау сала?
Кем коткара?
Без – Буяулар.
Кемнәр безнең белән буйый?
Кем Пумала?
Даһи җаннар белән уйнап,
Рәссам биткә буяу сала...
Дөнья әйләнеше шундый,
Ләкин барысы безнең кулда,
Һәркем үз җавабын тота:
Кемнәр үзе тотып ашый,
Ә кем – хуҗаныкын йота.

Айзат Вахитов

«КУ» 06, 2026

Фото: Шедеврум ии