Шигърият
Мәхәббәт турында шигырь
Һәр тарафтан шигырь карый көлеп, Һәр тарафтан шигырь елмая...
Һәр тарафтан шигырь карый көлеп,
Һәммә җирдән шигырь елмая! –
Яннан узып барган җил-сылуны
Шигырь диеп кочтым мин бая.
Һәммә җирдән шигырь исе килә,
Шигырь аңкый һәрбер тарафтан...
Муза булып, илһам булып килә,
Шигырь үзе килә пар атта!
Юк, кош түгел, шигырь оча күктә,
Чишмә түгел, шигырь ургыла...
Гөл-чәчәкле якты киләчәккә,
Шигырь булып, мин ул ыргылам!
Һәр тарафтан шигырь карый көлеп,
Һәр тарафтан шигырь елмая...
...Сөю тулы минем йөрәгемә
Шигырь булып уздың син бая...
"КУ" 09,2023
Фото: unsplash
Теги: поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
... Ләбиб Лирон шигыренә пародияШигырьләрне кем дә яза... Чукынып та кадалмый,тик берсе дә шигырьләрен,минем кебек язалмый. Кемдер яза пүчтәк шигырь, ә кемнәрдер- хислене.Минекеләр аңкып тора-тик мин язам ислене! Кем керсә дә йөзен чыта,телләрен дә йоталар...Кызаралар, бүртенәләр,борыннарын тоталар.Миңа дисә, укшысыннар!Исем китми һич кенә... Шигырьләрдән аңкып торсын миннән килгән ис кенә.Сәйлән (Ләйсән Мөгътәсимова)
0
0