Мизгел генә

Галиҗәнап яздыр тышта,
Тирә-юньдә каен исе...
«Яшим... яшим... яфрак булам!»
Җан ярадыр тал бөресе.
Күзләргә генә шифамы
Ак, шәмәхә сирень төсе?
Җанның кырык кылларына
Куәт өсти чәчәк исе.
Миләшләр дә шау чәчәктә,
Майның әле тик унбише...
Туй күлмәге тегә бүген –
Табигатьнең кызу эше.
Юкәләр, өянкеләрдә
Куен эзли кортлар күче.
Тоям: бүген каләмемдә
Ак күлмәкле шомырт көче.

«КУ» 06, 2025

Фото: unsplash