Фәрештәләр белән бәхәсләшмим

Ничә тапкыр авыз пешкәне бар,

Нигә кеше шулай ашыга?

Ничә тапкыр иткән изгелегем

Гөрзи булып төште башыма.

Аңа карап бер дә бирешмәдем –

Шундый итеп Ходай яраткан.

Юлың дөрес, диеп, фәрештәләр

Пышылдыйлар төрле тарафтан.

Фәрештәләр әйткәч, хактыр ла ул,

Шик-шөбһәгә алу килешми.

Кул-аякта егәр китеп бара,

Ә рухым сау, рухым бирешми.

"КУ" 12, 2016

Фото: pixabay