Тормыш

Бу тормышны аңламассың,

Бертөрле генә бармый.

Бәхетне эзләп тапканда,

Хәсрәте арттан калмый.

Тормыш җайланды дигәндә,

Бер кырые кителә.

Өмет-хыялларың тавы

Күз алдында ишелә.

Дошманнар сагалап кына

Бик тырышып сыныйлар.

Җиңелсәң җилкәңә менеп

Күсәк белән кыйныйлар.

Кайчагында аермыйсың

Кайсы - дус, кайсы - дошман.

Хәйлә кора дустың булып

Тоелган кайбер куштан.

Рәхмәт, тормыш, өйрәтәсең,

Бирмисең боегырга.

Монысы кара, монысы ак дип

Төсләргә аерырга.

Бу тормышның асылын

Яши-яши аңлыйсың.

Төзәтәсең ялгышларны,

Яңаларын башлыйсың.  

Рушания Әхмәдуллина. Чирмешән районы

фото: pixabay