Синең белән мәртәбәле халкың...

Татарстанның 100 еллыгы уңаеннан җыр язу өчен

Бөек Болгар чоры, Алтын Урда,
Казан ханлыгының мирасы –
Татарстан – Идел йортыбызда
Мәгърур калкан булып торасың.

Кушымта:
Татарстан томырылып очкан
Аргамактай алга ыргылып,
Гасырларны гасырларга ялгап,
Дастаннарга күчтең җыр булып.

Җир шарында тынычлык сөюче
Ил буларак шөһрәт казандың.
Бар җиһанга үрнәк өлге бүген
Мәркәзебез – шәһри Казаның.

Кушымта:
Кырларыңда иген күкрәп үсә,
Үз хәзинәң кара алтының.
Татарстан дигән хөр Ватаны
Хезмәт сөйгән эшчән халкыңның.

Милләтара дуслык һәм бердәмлек
Идел йортыбызның кыйбласы.
Татарстан – сиңа тугры юлдаш
Ак Барслы дәүләт туграсы.

Кушымта:
Синең белән мәртәбәле халкың,
Синең белән горур милләтең.
Дөнья үзе зурлый галиҗәнап,
Татарстан җөмһүриятен...

Фәүзия Мөхәммәтова

Фото: kzngo.ru