Менә тагын мин синсез

Җир өстенә тагын карлар яуды,

Синең урам калды бер эзсез.

Әллә карлар сине качырдылар,

Менә тагын калдым мин синсез?!

Салкын җилләр урау юлларымнан,

Себерделәр эзең, мин сүзсез.

Кышларымны ялгыз үтәрменме,

Менә тагын калдым мин синсез?!

Көннәремнең кояшы да ерак,

Төннәремдә ялгыз мин, үксез.

Сагынудан йөрәк күпме түзәр,

Менә тагын калдым мин синсез?!

Гөлнур Васыйлова. Мамадыш районы

Фото: pixabay