Табышлар

Тотка – ишекнең ишәге...
Чишмә – диңгез имиен эзләп чапкан сабый су...
Аҗаган – күкрәвеннән тол калган кысыр яшен.
Китап – үзең ачып керәсе, үзең ябып чыгасы серле мәгарә.
Вакыт – Ходай тәсбихы. Төймәләре күпме тезелгән – берәү дә белми.
Мәңгелек – яшәү уенының юаныч куены.
Идея – татлы имезлек. Сабыйлык акылы кертеп, халык авызына каптырып куялар да... Шуны тәмләп суыра-суыра, дистә еллар буена иләсләнеп яши торгач, имезлекнең тәме бетә, халык, айный башлап, төкереп ташлый да, яңача алданырга имезлек көтеп, авызын ача.
Нокта – җөмләне куркытып туктаткан ядрә эзе.