ХИКӘЯ ЯЗА АЛАСЫЗМЫ?

Хәтерләсәгез, узган санда бәйге игълан иткән идек. Аны кабат исегезгә
төшерәбез. Шушы башламнарның, күцел теләгәнен дәвам итеп хикәя языгыз
әле. Күләме бер журнал битеннән артмасын.
Җиңүче автор — журналның «Сүнмәс утлар балкышы» дигән уникаль
китабы белән, тагын ике автор «Яңа базар» дигән сатирик хикәяләр җыентыгы
белән бүләкләнәчәк.
Хикәяләр 20 декабрьгә кадәр кабул ителә.
***
«Көз - кызлар күңеле төсле,
Бер елмая, бер - төксе», — дип язып куйды да Камил, тәрәзәдән урамга күз
салды. Алтын тәңкәләрдәй коелышкан каен яфракларына хозурланып, серле генә
елмаеп, урамда Рәсимә басып тора иде...
***
Волонтёр кыз, юл уртасына ук чыгып, кабалана-кабалана такси туктатты.
Ян тәрәзәне төшерүгә, кабина эченә учлап чәйнәлгән сагыз исе бөркелде.
— Миңа «Кояш»лыга. Срочно!
— Универсиаданың беткәненә ике атна бит инде, кая шулай ашыгасың?
һәм таксист, бәя турында да килешеп тормыйча, алгы ишекне ачты.
***
Кызның күзе егетнең беләгендәге татуировкага төште. Анда тигез хәрефләр
белән «Гөлия» дип язылган иде.
***
— Исәнмесе-е-е-ез! Хуҗалар өйдәме-е-е? — дип сөрән салды Хәсән, зур
урыс капканы ачып ишегалдына аяк басуга.
— Исәнме, абый, сиңа кем кирәк?..
Хәсән «дерт» итеп китте. Аның каршында тач үзенә охшаган, зур башлы, зур
колаклы җиде-сигез яшьләр тирәсендәге бер малай басып тора иде...
***
Тавышын калынайтып, йөрешләрен никадәр генә үзгәртергә теләсә дә, Кыш
бабай булып улын котларга керүченең яшьлек дусты Фирдүс булуын тиз
чамалады Әминә.
***
Бу кызны ул троллейбус тәрәзәсеннән күрде. Күрде дә, гашыйк булды! Төшеп
калып, бик озак эзләде ул аны. Таба алмады. Кайтып подъезддан керсә... шул
кыз... аларның ишеген... ачкыч белән ачып маташа иде!
***
Күке, туктамыйча, санады да санады. Аларга рәхәт иде...