ИҢ БӘХЕТЛЕ ЧАГЫМ КЕБЕК...
Моннан ун-унбиш еллар элек редакциягә барганда, еш кына, ательеда закройщик булып эшләгән танышымны очрата идем. Буш вакытларында урамда йөрергә ярата иде \ л. Ашыкмыйча, җай гына атлап килә, ә күзе кешеләрнең өс-башында. Менә ул үзе теккән пальтоны танып ала: йөзенә матур һәм рәхәт бер елмаю чыга, кайчандыр үзенең клиенты булган кешегә хөрмәт белән баш иеп, исәнләшен китә Мин аның хәлен аңлыйм. Ул үз эшен бик ярата, кешеләрнең матур киенеп йөрүләрен күреп шатлана, үз һөнәре белән горурлана Эш остасында гына була торган профессиональ горурлык анда Шагыйрь әйткәндәй, "бер горурлык яна битләрдә' .." Кайда да булса берәр җирдә кулына " Казан утлары" тоткан кешене очратсам, таныш өемнең өстәлендә шул журналны күрсәм, йә булмаса. аның турында сөйләшеп торуларын ишетсәм, мин дә шул танышым кебек шатлана идем. Без чыгарган журнал бит ул дип әйтәсем, йә аларның сүзләренә кушылып журналның хәлләре турында сөйлисем килә иде Әле булса шул хиснең миндә беткәне кж. Гомернең ун елдан артыгы шушы редакциядә эшләп узган, журналның йөзләгән санын чыгаруга кул тигән, коч кергән. Журналның төгәл һәм тыныч эшләнүе өчен редакция бүлмәләрендә бик күп тынгысыз көннәр кичерергә туры килә иде безгә Күз карасын талдырып, калын-калын кулъязмалар укудан башлана ул эш. Аннан соң редколлегия утырышларында кызып кызып бәхәсләшүләр. Хәтердә әле. талантлы гына бер прозаикның яңа повестен "сүтәргә" туры килде Әлбәттә, ул безгә рәхмәт әйтеп утырмады, утырышның ахырында үпкәләп үк чыгып китте Анын каравы, тынычлангач, бераз суына төшкәч, әсәрен өр- яңадан эшләп килде Кайчагында журналга кирәк материалның нинди санга керүе турында да кызып-кызып бәхәсләшә торган идек Менә шуннан соң гына башлана инде ул типографиягә төшәсе санны эшләү. Андый көннәрне үзем утырган кечкенә бүлмә штабка ошап кала. Тимер-бетон стеналар һаваны начар үткәргәнгә, бүлмә ишеге тибенә кадәр ачык Хәер, ул болай да ябылып тормас иде Бүлекләрдә эшләүчеләр, корректорлар, машинисткалар минут саен кереп чыгып торалар бер материалны кыскартасы бар. икенчесенең исемен алыштырырга кирәк, бу сүзне язучы үзенчә язган, ә сүзлектә ул башкача алынган хәл итәсе бар Шул арада командировкага җыенучы берәр автор килеп керә. Анын белән сүзең бетми, телефон шалтырый автор корректураларын укыган, төзәтүләр белән риза түгел Ярата идем мин шундый тыгыз, гын алырга да вакыт булмаган көннәрне. Хәтта журнал басылырга төшеп киткәч, бушап калган тыныч көннәрдә бераз күңелсезрәк тә була башлый Безнең эштә тагын бер күңелле вакыт журнал басылып бетәр алдыннан сигнальный экземпляр киләсе көннәр була. Менә техник редактор бер кочак журнал күтәреп килә. Аңар ияреп үк бүлмәгә башка иптәшләр кереп тула, кулдан тартып алгандай журналны алып бетерәләр, кайсы утырып, кайсы баскан көйгә, тиз-тиз актара башлыйлар. Ул сандагы һәр материал таныш югыйсә, бәхәсләшә-тартыша төзәтелгән, кат-кат укылган. Шулай да күрәсе килә, журнал булып төпләнгәч ничегрәк чыкты икән: материал кеше күзенә күренерлек итеп урнаштырылганмы, матур хәрефләр белән җыелганмы, буявы тигез төшкәнме Бу минутларда безнең барыбызны да айлар буе тырышын эшләгән эшебезнең нәтиҗәсен яхшы итеп күрәсе килү тойгысы биләгән була үз эшебез белән горурланасы килү, профессиональ горурлык тойгысы.. 1982
