ТАМЧЫЛАР

 Йөрәк тавышым китсен еракларга, Юлдаш булсын барыр юлымда. Кызлар моңы, күк күкрәве белән Кылыч зыңы булсын җырымда. Кемдер сусый язгы моңнарга, Кемдер сусый һәрчак назларга, Мин, яралы толпар — җилер идем, һай, сусадым назлы язларга.  Урманнарда яшел буранмыни, Шаулый һәрбер яфрак, һәр ылыс; Башка чакта күңел шаулы минем, Шаулы урманнарда ник тыныч? « Табигатьтә — ул язылган закон, Күрәсең ул шулай, йоладан: Мәңгелеккә киткән Тукай, Такташ... Мәңгелеккә кайткан яңадан. Ачы буран и дулады — Мәңгелек хаким сыман. Кар астында чишмә чылтырый — Чыныккан ятим сыман. « Әллә яшьлек, әллә исәрлек белән Китте инде вак-вак хаталар,— Гомер узгач инде шул хаталар Тау-тау булып үрчеп яталар. е Сөенегез, әкәм-төкәм, суалчаннар, Сөенегез, давылланып яңгыр килә: Кемдер сыкрый кагыла-сугыла давылларда, Җебенәләр хәшәрәтләр, көлә-көлә... ® Алтын балдак бүләк итәлмәдең, Яшьли йөртә алмадым кулымда. Урак ярасыннан кигән йөзек Мәңгелеккә калды җырымда. • Бар дөньяга бирә матурлыгын,— Балаларга бирә анасы; Мең газапта туа Җир-ананың Җиңү дигән батыр баласы. Күңелләрдә нинди гүзәллек бар, Барсы мәхәббәтнең җимеше, Әллә йөрәкләрдә бу мәхәббәт — Барлык игелекнең инеше? Чын бәхет ул — кемгәдер кирәк булсаң, Син кирәкле — кемгәдер терәк булсаң. Тормыш учагын һәркем дә көйрәтә: Тырышкан дөрләтә, Белмәгән өйрәтә.