Латыш халык мәзәкләре

АЛДАШМАУ

• Синең кебек кечкенә чакта, улым, мин беркайчан да алдашмый идем.
• Ә кайчан алдаша башладың син, әти?

СӘЕР ҖАВАП

• Әгәр мин вәгъдә иткән акчаны сорап күрше керсә, син аңа: «Акча шкафка бикләнгән, әтием урамга чыгып китте, ачкыч аңарда», — дип әйтерсең, улым.

Күрше килеп керә дә малайдан: «Әтиең кайда?» — дип со­рый. Аптырап һәм каушап калган бала аңа бик сәер җавап бирә:

• Акча урамга чыгып китте, ачкыч акча белән йөри, әти шкафка бикләнгән.

ТАВЫК ҺӘМ ЙОМЫРКА ТУРЫНДА

• Безнең тавыгыбыз, улым, йомырка салмый башлады, без аны суярбыз ахры.
• Ә суйгач ул, әни, йомырка сала башлаячакмы?

НИК КӨЛӘСЕҢ?

Бер малай суга төшә. Өч ир кеше аңа бау ташлыйлар. Үзен ярга өстерәп чыгаргач, бала шаркылдап көлә башлый.

• Ник көләсең?
• Шуны уйлап көләм: әгәр мин бауның очын кулымнан ычкындырган булсам, өчегез берьюлы егылыр идегез бит.

ЮГАЛГАН БӘРӘН

Бер малай болында сарык көткән. Көндез бер бәрәне югал­гач, кичен ул йорттан-йортка кереп шуны эзләп йөри икән.

• Бәрәнең нинди иде? — дип сорыйлар малайдан.
• Былтыргы бәрән, тәкәбезнең сеңелесе, әби сарыгыбыз­ның кызы иде.

МАЛАЙЛАР ҺӘМ КУЯН

Ике малай болында уйныйлар. Куаклар арасыннан кинәт бер куян сикереп чыга.

• Янка! Куян ник куак төбендә утырган?
• Чөнки куак башына менеп утыра алмый, ул бит сиңа карга түгел