Еракка, еракка, еракка...

Еракка, еракка, еракка,
Ашыга хисләрең китәргә.
Йөрәксез, бәгырьсез, сөюсез
Ачылыр күзләрең иртәдә.
Бер тамчы ярату эзләрсең,
Иртәнге каһвәгә салырга.
Һәм эчеп туймассың ачысын –
Сусарсың, көярсең калада.
Чит йөзләр, яз-көзләр артына,
Уй-сүзләр артына качарсың.
Үзеңә корган үз тозагың
Җибәрмәс, ничек тә чыдарсың.
Яз житкәч, тәрәзәң ачарсың,
Үкенеп киләчәк хакында.
Кара төн урлаган җан җырым
Шул тиклем ерак та, якын да.

 

"КУ" 05, 2021

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: