Сынап караган

Әхәт Гаффар беренче язган пьесасын режиссёр Равил Тумашевка укырга биргән. Режиссёр аңардан сигез төрле вариант эшләткән. Шуннан соң гына куярга булган.

– Кайсысын? – дип сораган классик.

– Беренчесен! – дигән режиссёр.

– Суң... беренчесен куясы булгач, нишләп суң аны сигез тапкыр эшләттең?

– Драматург була алырсыңмы дип, сынап карарга уйлаган идем!

"КУ" 6, 2018

Фото: архив