Юл күрсәттем

Үтә икән бу гомерләр

Искән җил кебек кенә.

Үпкәләмим тәкъдиремә,

Һичкемгә тотмыйм кинә.

Таулы-чокырлы юллардан

Барганда алга атлап,

Кара янып йөрмәдем мин,

Кояшның нурын каплап.
Юл күрсәттем адашканга

Чытырман арасында.

Җылы сүзем ямау салды

Йөрәкләр ярасына.

Сикәлтәле тормыш юлын,

Шөкер, сыгылмый үттем.

Шатлык яше белән юып,

Бәхетнең күзен үптем.
 

Редакциядән: Бу айда каләмдәшебез үзенең юбилеен билгеләп үтә. Аңа исәнлек-саулык, иҗат уңышлары телибез.
 

 

"КУ" 08,2022

Фото: unsplash

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: