Уйнак кузы

Нинди сафлык, дисең, еллар буе

Мине онытмаган күзләреңдә –

Онытканнар алар, онытканнар,

Сине көтү төшкән үзәгемә.

Нинди чиста, дисең, тавышларың,

Элеккечә икән, элеккечә, –

Бик үзгәргән инде аваз-моңым,

Син әйткәнчә иде әле кичә...

Нинди татлы, дисең, иреннәрең,

Минем өчен калган кебек татлы –

Әче алар мин теләгән кадәр,

Баллы түгел сиңа кирәк чаклы.

Нинди алсу дисең көләч битең,

Кыз чактагы кебек, кыз чактагы –

Сикергәндер синең ялганнарың

Кузы кебек уйнак учактагы...

 

"КУ" 1, 2020

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: