Тамчы яшь

Унҗидем тулганда тутырдым биштәргә
Бар кирәк-яракны.
Мин әле белмимен: авылым күңелгә
Якынмы, еракмы?
Мин әле белмимен, озаткан әнием
Судамы, уттамы?
Мин әле белмимен: әйдәгән юл башым
Әллә соң юккамы?
Иярдем хыялга, шул мәлдә нәрсәдер
Пешерде яңакны.

Тамчы яшь! Ачы яшь! Утлы яшь! Менә ул
Аңлатты берчакны...
Мин үзем еракта. Калганнар барсы да
Якында! Якында!
Барсы да йөрәктә. Ә йөрәк мәңге дә
Сүнмәслек ялкында...

 

"КУ" 01, 2021

Фото: pixabay

Теги: поэзия

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: