Хатирә

Дөмбер-дөмбер... Ерак-еракларда

Офыктамы күкләр күкрәде.

Кайлардадыр, димәк, яңгыр ява,

Иркен сулар җирнең күкрәге.

Дөмбер-дөмбер... Ерак-еракларда

Яшәүләргә ялгар бу яңгыр.

Хәлсезләнеп, сусап, табигатьнең

Күзен йомган гөле уяныр.

Дөмбер-дөмбер!.. Баш очымда күкрәү!

Күкләремне яшен-ут телде.

Җаннарымнан нидер кыйпылды да,

Сискәндереп нидер өзелде...

"КУ" 7, 2016

Фото: pixabay