Әткәй иңе

Әткәң иңе кирәк таянырга.

Әнкәң сүзе кирәк – исәндә,

Йөзгән ярың бик тә ерак булса,

Йөзгәнеңдә хәлең киткәндә.

Алар янына күк йөзәсең син,

Кинәт шулар искә төшкәнгә.

Ярларыңны эзләп табасың син,

Яр бар икән, димәк, бар офык.

Яшәү диңгезләре ярлы булсын,

Ә офыклар торсын ымсытып.

Хыял диңгезе дә ярлы булсын,

Хәл алдырсын, сине утыртып.

Диңгез арты диңгез кичә ал син,

Офык артларында тап офык.

Хыялларның ярын билгели бел,

Әниеңнең сүзен син тотып.

Тормыш яры сиңа хәл алдырсын,

Әткәң иңе кебек утыртып.

фото: nawa3em.com

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: