Бәхет

Мин синең бәхетең,

Мин – синең яныңда.

Кадеремне белеп кал,

Яныңда чагымда.

Әгәр син күрмәсәң,

Мин балкып кабынмам.

Күрмәсәң – югалам,

Югалсам – табылмам.

Югалсам, табылмам –

Үзәгең өзелер.

Барлыгым сизелмәс,

Юклыгым – сизелер.

Син бәхет эзлисең,

Узышып җил белән.

Мин сине тоталмый,

Артыңнан йөгерәм.

"КУ" 11, 2019

Фото: pixabay

Нравится
Поделиться:
Реклама
Комментарии (0)
Осталось символов: