Әрнешү

Бәхетсезләр балаларым,
Югалттылар Аллаларын.
Табыналар акчага тик,
Җаннан иман кача соң ник?
Әйттем: «Җансыз бөләр!» – диеп,
Көлде алар: «Юләр!» – диеп.
Баш очымда оча тилгән,
Берьялгызым юлдан киләм.
Нәфрәт-зарым телә күкне
Утлы камчы-яшен булып.
Сукмагыма ил тузаны
Тама күздән яшем булып.
Колагымда чыңлый аваз:
«Бер тиенлек синең вәгазь!»
Буш офыкка торам карап,
Йөрәккәем әрни канап.
Серләшерлек адәм дә юк.
Хөр җилфердәр әләм дә юк.

«КУ» 07, 2026

Фото: Шедеврум ии