Язмышым бүләге син, Татарстан!

Көчем бетсә, кырларыңа чыгып, Икмәк исе иснәп көч алам. Рухым төшсә, урманыңа кереп, Кошлар моңы тыңлап таң калам. Татарстан – туган җирем минем, Сиңа хезмәт итеп яшәдем. Хәлем китеп, арып, туктап калсам, Чишмәң суын эчеп яшәрдем. Миңа күчкән язмыш бүләге син, Изге җирем – мирас бабамнан. Җәннәтләргә тиң җирем син, Башка газиз урын табалмам. Татарстан! Горурлыгың чиксез, Чал тарихлы, нурлы, и Казан! Милләтемнең үлмәс моңы булып, Мәңге яңгырасын яшь Азан!    

Халидә ФӘЙЗРАХМАНОВА. Арча