Язгы яра

Яз ул яшьлек, хыялларны

Назга күмеп уята.

Үткән яшьлектән бу якка

Күпме үткән яз ята.

Бу яз хәтерләтеп сине

Кабат сөйли тамчылар.

Тамчылардан, синнән илһам

Алып яздым мин җырлар.

Җырлар яздым, тик аларны

Син көй итеп салмадың.

Сөңге кебек йөрәгемә

Язның бозын кададың.

Шушы яраны төзәтеп

Инде ничә яз үткән.

Җырларымны җырлый-җырлый

Җәрәхәтле йөрәгемдә

Сөңге бозны эретәм.

Рөстәм  Арифуллин, Иске Кулаткы

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: