Туган телне яклап

Гаҗәпләнмәм, әгәр берәр маңкорт Татар телен хурлап сүз әйтсә. Анам теле, диеп, таныганы да, Яклармы соң аны, көн җитсә?! Яшәр көне өчен һич тайчанмый Телен – үз әнкәсен ул сатар. Иманы юк мондый бәндәләрне Белмим, халкым кем дип соң атар? “Татар барда – хәтәр бар”, – ди халык. Тарих – шаһит, бирмәс алдарга. Ләкин үз теленә хәтәрләрне, Гамсезләрне ничек аңларга?  

Римма ГАЙНАНОВА. Башкортстан

---

Фото: Яндекс