Тормыш ул...

Тормыш бит ул дәфтәр бите түгел,

Бозылганын ертып ташларга.

Җыр да түгел, теләгәндә туктап,

Ялгыштым, дип, кабат башларга.

Берәүләрне дан-шөһрәткә күмә,

Сорап тормый аның һич яшен.

Калганнар да үз өлешен ала, -

Мулдан була "бүләк" - ак чәче.

Яшәүчеләр, үзен бөек санап,

Борын чөя, күрми беркемне.

“Мин бит ул” - дип, күкрәк каксалар да,

Каберләре була бертөрле.

 

Рамил Рәүәл

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: