Сүтелә лә гомер йомгагы...

Үткәннәрнең йомгагы сүтелә:
Булган агы, булган карасы...
Бәхетләрдән башлар күккә тигән,
Кайгылардан калган ярасы.

Барысы да булган - баштан үткән,
Инде алда соңгы тукталыш.
Ахыр сулышымны алганда да,
Күңелемдә яшәр омтылыш.

Якты дөньялардан беркем туймый,
Һичкемнең дә килми китәсе.
Өзелмәсен өмет, төшенкелек
Якынайтыр "соңгы иртәсе"н.

Фларида Мәхмүтова

Фото: pixabay