Логотип Казан Утлары
Каләм тибрәтүчеләр

Шатлык кары 

Җемелдәшеп пар чыршылар  Ак туннарын элгән иңгә.  Күктән ява аклык нуры  Якты өмет белән бергә! 

Җемелдәшеп пар чыршылар 
Ак туннарын элгән иңгә. 
Күктән ява аклык нуры 
Якты өмет белән бергә! 

Яңа елның кары ява: 
Ап-ак кары, саф, пак кары! 
Туган җирне күмсен әйдә 
Яңа карның шатлыклары! 

Кешеләрнең җаннарында 
Сафлык кунак булып калсын! 
Гомер иткән чакта һәркем 
Аклык белән яши алсын! 

Юып алсын шатлык хисе 
Бар җыелган борчу-зарны! 
Битләремә куеп торам, 
Учларыма алып карны. 

Яңа елның кары ява: 
Ап-ак кары, саф, пак кары! 
Туган җирне күмсен әйдә 
Яңа карның шатлыклары!

Гөлнур Айзат. Буа шәһәре

Фото: pixabay.com

Иң мөһим һәм кызыклы язмаларны Татмедиа Telegram-каналындаукыгыз

Нет комментариев