Мең тапкыр...

Мең кабат үкендем, ялгыштым,

Сүз бирдем искә дә алмаска.

Йөрәк ул йөрәк тә түгелдер:

Хатадан үртәлеп янмаса?!

Мең кабат уйларда тирбәттем,

Хәтерләп гел синең исемең...

Үзәкләр өзелеп сагыну

Булмаса, тәме юк хисемнең!

Мең кабат “Оныт!” дип боердым,

Килеште йөрәгем беразга.

“Оныт!”ны оныттым нигәдер

Кайткач та кабаттан бу язга,

Мең тапкыр тиргәдем үземне.

“Сөймә дә, көтмә дә, язма да!”

Озакка югал дип тиргим дә,

Түзәлмим, түзәлмим азга да...

Мең кабат уйларда тирбәттем,

Хәтерләп гел синең исемең...

Үзәкләр өзелеп сагыну

Булмаса, тәме юк хисемнең!

Фото: pixabay