Җибәрмиләр җырларым

Эзләремә карап, моңланам да, Китәр юлларыма кузгалам. Җырларымны өзеп көзләремдә, Җилләр кочагына уралам. Китәр сукмакларда өзгәләнәм, Томаннарда - барыр юлларым, Җибәрмиләр мине ярларыннан Өзгәләнгән сагыш-җырларым. Гомер сукмагымда - кайнар җилләр, Тайгак, текә барыр юлларым, Сукмакларга җырлар-моңнар тулган, Өзеләләр нечкә кылларым. Тын күл кочагына сыенам да, Томаннарга кереп югалам, Дулкынланган камышларга качып, Ал таңнарны көтеп моңланам. Кышларымда язларыма кайтам, Яз кояшы җанда-көзләрдә, Әйләнәм дә, кайтам җәйләремә, Гөлләр үсә җәйге эзләрдә. Ни көтәдер мине юлларымда, Бөтерелә алда томаннар, Йөрәгемдә чыңлый нечкә кыллар, Озаталар мине моң-җырлар. Китәр юлларымда - куе томан, Томаннарда ата таңнарым, Уйный сызып йөрәктәге сазым, Җибәрмиләр мине җырларым, Сагышланган төннең кочагында Уралалар җанга моңнарым. Җибәрмиләр мине җырларым, Томаннарда китәр юлларым.

Флера Гатина

Нравится
Поделиться:
Реклама
Комментарии (0)
Осталось символов: