Дүрт мизгел

Кеше гомерен тиңлим мин

Елның дүрт мизгеленә.

Хәзер инде шул мизгелнең

Кердем алтын көзенә.

 

Язым - минем балачагым

Әйтерсең бер төш кенә.

Ямьле җәем - чор яшьлегем

Инде килеп төшенәм.

 

Шул мизгелләрнең кадерен

Белмәгәнмен - мин мәнсез.

Еллар бик тиз үтә икән,

Алар икән йөгәнсез.

 

Табигатьнең дүрт мизгелен

Тиңлим кеше гомеренә.

Тик кыштан соң язлар килә.

Кеше гомере бер генә...

 

Фларида Мәхмүтова. Дүртөйле районы

 

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: