Бөек Болгар

Бөек Болгар. Бөеклеге - Җиргә сеңгән хәрәбәләр. Дөнья көләч, җаным бөек, Керфекләрем гарьләнәләр. Кем башыннан ни утмәгән? Кирәк микән гарьләнергә? hәр заманда ничә тапкыр Илләр мәҗбүр керләнергә. Җәбер-золым мәңгелектер. Халыклар нәкъ Сак белән Сок. Ата-баба нигезендә Ник бер татар авылы юк? Әллә бар да күзен йомып, Манкортлык суын эчкәнме? hәр дәүләте кыйратылгач, Үз җиреннән ваз кичкәнме? Сибелсә дә чит-ят җиргә, Юк, бетмәгән, яши татар. Алар үзара берләшсә, Бәлки, бәхет таңы атар. Әнә, кара, милләт күрке, Таянычы - Татарстан. Күп дәүләтләр көнләшерлек Буй үстереп тәпи баскан. Тарихын да югалтмаган, hәр ярчыгын эзләп тапкан. Башын өзеп чапканда да: - Мин татар! - дип күкрәк каккан. Бөек Болгар! Бик боекма, Калдырганга хәрәбәләр. hәр ташыңнан үсеп чыгып Сөендерер гәрәбәләр.

Илгиз Ишбулдин. Башкортстан

---

Фото: Рәзилә Хәйретдинова