Бер җыр

Алтын бәһасенә торган затлар Китә тора... Сыкрый бу күңел... Зират бит ул парлап,  җитәкләшеп Китә торган яхшы җир түгел! Кеше кадере тузан бөртеге күк: Югала ул каты җил чыкса... Китүчеләр үзе исән чакта Халкым, диеп янган бит юкса... Некрологлар ташка басылганда, Залда минут тынлык булганда, Яши әле исем! Хәтер - кыска, Көннәр узу белән югала... Кемнәр генә ниләр кырмагандыр?! Фани дөнья истән чыгара. Тарих сыйган кулъязмалар тузып, Тузан эчеп ята чормада. Кеше кадере тузан бөртегедәй: Туза, оча, таптап югала... Кеше хәтерендә тузан түгел, Бер җыр булып калыйк дөньяда!
Гөлнур Айзат. Буа шәһәре

 Фото: vk.com

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: