Авылыма кайтам

Авылыма кайтам әле,

Көтәдер кебек һаман

Җиләктән үрелгән болын,

Ап-ак тушәктән ялан.

 

Сөт тәме килгән чишмәнең

Суын эчәсем килә,

Тал-тирәктәге кошларның

Җырын отасым килә.

 

Таң атканда чыклы улән

Шифасын буләк итә.

Авыл шау-гөр килә таңнан,

Маллар көтугә китә.

 

Тынып кала авыл шулчак,

Халык китә эшенә.

Сокланамын авылымда

Һәр яшәгән кешегә!

Марсель Фәйзуллин, Башкортстан

 

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: