***

Минзәләгә кайтам... Бу дөньяда безнең Мәңгелек куаныч – Ата-ана йорты, Өзелеп сөйгән Ватан. Йөрәк әрнеп янса, Туган җирне сагынып, Минзәләгә кайтам, Минзәләгә кайтам. Анда дуслар көтә, Борчуларым бетә, Мине каршы ала Мәрхәмәтле анам. Шуңа күрә һич тә Көттереп тормыйча, Минзәләгә кайтам, Минзәләгә кайтам. Иң күркәм елларым Шунда узды минем. Тәүге мәхәббәтем Шунда чәчәк аткан. Яшьли сөйгән дустым, Сине уйлап-сагынып, Минзәләгә кайтам, Минзәләгә кайтам.

Наҗия Хәбибуллина. Минзәлә шәһәре

---

Фото: vk.com