***

Бер, ике, өч...

Салмак кына саныйм

Адымым.

Бу сукмаклар таныш

Булмаганга,

Бер абындым, ике абындым.

Җилләр улый миңа

Карлар өеп.

“Бәлки әле шунда ул үләр?”

Яңгыр көлә миннән

Төкергәләп:

“Син бит шашкан, син – тиле,

Син – җүләр!”

Мин егылдым,

Ләкин мин көләм.

Кояш юлны ялап

Ала бугай.

Кар эретә, җылырак

Җиле.

Тик кытыршы юллар

Көлә сыман: “син бит шашкан,

Җүләр, син – тиле!”...

 

Шиһапова Гөлүсә Наил кызы

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: