***

Караңгылык йота күңелемне, Яктылыктан мәхрүм үзәкне Телгәлидер дистә өлешләргә, Өтәлидер бөлгән йөрәкне. Телсез хәнҗәр телә күңелемне, Юнган кебек тире – кубара Каты кулы берлә, залим төсле, Җан һәм сынны; шуннан – югала. Сырхау җаным көфер утларында... Изаланган, сулган, укмашкан. Килер көнгә каршы бара алмый Тәнем белән инде хушлашкан. Калды сулып җирдә яшәү дәртем... Бәргәләнә, мескен, курада. Калтырыйдыр, җебек сөңге төсле. Утын түгел – булган чырадан! Елмаядыр, әнә, төпсез ялкын. Шайтан упкыныдыр – куана. Әйе, җаным, сине болай якты Беренче кат тәмугъ каршы ала.

Сәләхова Таңсылу Сәлим кызы, Кукмара районы

Нравится
Поделиться:
Реклама
Комментарии (0)
Осталось символов: