***

Үз милләтем тарихында

Фаҗига-афәтләрнең

Гарасатлы шәүләсенә

Сарылган зәхмәтләрен,

Бүгенге мәгълумат аша

Кыю-тәвәккәллектә,

Дөньяга чыгарып кагу

Мөмкиндер ул, әлбәттә!

Тик сыктаулы шигырьләргә

Йөзен чыткан бу заман,

Ваемсызлык бишегендә

Тирбәлеп йоклый һаман…

Җан асрау җиңел инсанга,

Талкытмый зиһен аңын.

Үз халкының язмышында

Шуңа гаме юк аның.

...Хәтере уяу булганга -

Күңелнең үткен күзе

Үтеп керер тирәнлектән

Калка чал тарих үзе...  

Фәүзия Мөхәммәтова, Норлат

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: