Үрләрне менгәндә

Үрләргә менгәндә, егылам мәтәлеп,
Яралар алалар йөрәкне өткәләп.
Берәүләр кул суза, җылысын өләшеп,
Типкәли берәүләр эткәләп-төрткәләп.

Сыкраган чагында яралы йөрәгем,
Ярасын мин кысып бәйләргә өйрәндем.
Еракта күрәм дә бер өмет чаткысын,
Чакыра янәдән менәсе үрләрем.
Бер уйлап карасаң, мин – кеше, бу җиргә,
Сынаулар үтәргә дөньяга туганмын.
Яралы килеш тә мин көчле, канатлы,
Үрләргә менүдән һичкайчан туймамын.

Эльвира ИХСАНОВА

«КУ» 08, 2026

Фото: Шедеврум ии