Калам туган ягымда

Монда бар җир чәчәк кенә,
Урманы, болыннары.
Һәрбер талы таныш миңа,
Газиз Норма буйлары.
Еракларга моң тарала
Тургайларның моңыннан.
Алар да бит читкә китми,
Туып үскән кырыннан.
Акыл җыйган картлар сыман
Каршылый наратлары.
Кешни монда балачакның
Кыңгыраулы атлары.
Азмы якташ туган җирдән
Читләрдә башын салган.
Алар өчен дә яшим мин,
Мәңгегә монда калам.

Рәшит МИНЛЕГАЛИЕВ.

«КУ» 04, 2025

Фото: unsplash