Яз сулышы

Яз сулышы җиһанда,
Сизәсезме?
Кошлар тавышы килә,
Ишетәсезме?
Һәрбер аткан таңга
Сөенәсезме?
Булганына шөкер итеп,
Рәхмәт әйтәсезме?
Җирдә яшәү – бәхет бит ул,
Тоясызмы?
Йөрәк белән, ярсып,
Яратасызмы?
Хыялларга бирелеп,
Очасызмы?
Кайнар хисләр белән,
Янасызмы?
Яшәү өчен Ходай
Биргән бар(ы)сын,
Синең тормыш –
Синең кулыңда.
Егылып торып алга
Барасыңмы,
Үпкә саклап артта
Каласыңмы?
Бары-бары синең
Кулыңда.
Яз сулышы

Эльвира ӘХМӘТҖАНОВА

«КУ» 07, 2026

Фото: Шедеврум ии