Гомер

Чәчкәләрнең гомере кыска, диләр,

Кыска ул тик кеше гомере.

Чәчкәләрдәй сокландыра белә

Кешеләрнең йөздән тик бере.

 

Чәчкә гомерләре кыска, диләр,

Яшәп кала алар, ичмасам.

Кеше гомере чып-чын гомер була,

Җиде кабат ямау ямасаң.

 

Көн эчендә шиңгән чәчкәләр дә

Өлгерәдер нурын чәчәргә.

Кайчагында гомерләр дә җитми

Чын кешечә итеп яшәргә.

 

 Эльвира Ихсанова

"КУ" 10, 2015

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: